- Nola jar naiteke Mozilla Europerekin kontaktuan?
- Zer da kode ireki/software librearen kontu hau?
- Zergatik hautatu zenuten irabazi-asmorik gabeko egitura legal bat?
- Zeintzuk dira Mozilla Europe eta komunitate lokalen arteko erlazioak?
- Mozilla Europeri nire laguntza eskaini nahi diot. Zer egin dezaket?
Nola jar naiteke Mozilla Europerekin kontaktuan?
Bertako zuzendaria den Tristan Nitotekin kontaktuan jarriz, posta elektroniko bidez (nitot@mozilla-europe.org) nahiz posta arruntez:
Mozilla EuropeTristan Nitot
28 rue Viala
75015 PARIS
FRANCE
Zer da kode ireki/software librearen kontu hau?
Nahiz eta software librearen (free software) eta kode irekiaren (open source) artean desberdintasun nabariak izan, ideia kode irekiko software librea dohan eta bere iturburu-kodearekin batera eskuratu daitekeela da, mundu guztiak laguntzeko, pertsonalizatzeko eta hobetzeko aukera duelarik. Mozilla Internetean zehar sakabanaturik dauden ehundaka laguntzaileren bidez mantendua eta hobetua dago, eta bere lizentziak bai software librea, bai kode irekikoa bihurtzen du. Gai honi buruz zehaztapen gehiago nahi izanez gero, begiratu:
Zergatik hautatu zenuten irabazi-asmorik gabeko egitura legal bat?
Mozilla Europek bolondresen laguntza behar du Mozilla proiektuan oinarriturik dauden produktuak hobetu eta sakabanatzeko. Software librearen izpiritua jarraituz, elkarteak lortzen duen diru guztia garapenean berrinbertituko da, elkartearen egitura legalak horrela agintzen duenez. Beraz, bolondresek proiektuan jarritako energia eta diru guztiak ez dira akziodunen onurarako izango, elkarte batek ez baitu akziodunik, ezta etekinak banatzeko eskubiderik ere.
Zeintzuk dira Mozilla Europe eta komunitate lokalen arteko erlazioak?
Mozilla Europe ez zen existitzen diren Mozilla komunitate lokalak ordezkatzeko sortu. Komunitate hauek lan bikaina egiten dute lokalizazio eta dokumentazio arloetan. Guztiz kontrakoa, Mozilla Europek bere kideek duten esperientzia teknikoa komunitateekin partekatu nahi du hauek beren kabuz produktuak hobetu eta hazi ahal izateko. Mozilla Europe Mozillak Europan egitura printzipal bat eduki zezan sortua izan zen, komunitate lokalekin elkarlanean Europan zehar garapena eta hedapena errazteko.
Mozilla Europeri nire laguntza eskaini nahi diot. Zer egin dezaket?
Galdera bikain honek orrialde oso bat merezi du erantzuna eman ahal izateko. Lehenengo pausoa seguruenik Mozilla Europeko bazkide bihurtzea da, eta partaideen posta-zerrendan laguntza eskaintzea. Zure trebetasun, interes eta denbora librearen arabera, topatuko dugu zuk proiektuan lagundu ahal izateko modua.